H.E. Tulku Chophel Rinpoche participated Krodikali teaching in Pharping, Nepal.

H.E. Tulku Chohel Rinpoche participated in the 6th annual 3-day Krodikali teaching and practice in Pharping, Nepal.

ཡེ་ཤེས་མཁའ་འགྲོའི་གསང་མཛོད་སྙིང་གི་ནོར། །

དུས་བབ་གཏེར་གསར་བསྟན་པའི་བདག་པོ་མཆོག །

རིགས་བདག་གདུང་འཛིན་དགའ་རབ་རྡོ་རྗེ་ལ། །

མི་ཕྱེད་དད་པའི་ངང་ནས་མི་ཚེ་སྐྱེལ། །

ཁྲོས་མའི་གསང་ལམ་སྣེ་ཁྲིད་ལམ་སྟོན་པ། །

རིག་འཛིན་བརྒྱུད་པའི་སྲོག་ཤིང་རིན་པོ་ཆེ། །

རྩ་བའི་བླ་མའི་བྱིན་རླབས་སྙིང་ལ་ཞུགས། །

དོགས་པ་རྩད་ནས་གཅོད་བཞིན་མི་ཚེ་སྐྱེལ། །

བདུད་འཇོམས་ཁྲོས་མའི་ཉམས་ལེན་གོ་སྐབས་ཐོབ། །

ཌ་དྲིལ་རྐང་གླིང་རྣལ་འབྱོར་ཆས་གྱོན་པའི། །

སྐལ་བཟང་ཐོབ་པའི་ཕུན་ཚོགས་བསོད་ནམས་ཆེར། །

དགའ་སྤྲོའི་བརྗིད་ཉམས་ངང་ནས་མི་ཚེ་སྐྱེལ། །

འབྲེལ་ཚད་དོན་ལྡན་ཁྲོས་མའི་ཉམས་ལེན་གྱིས། །

བདག་དང་མཐའ་ཡས་སེམས་ཅན་ཐམས་ཅད་ཀྱི། །

ང་འཛིན་འཁྲུལ་པའི་རྩ་བ་རང་སར་བཅོམ། །

ཀུན་བཟང་དོན་གྱི་གནས་ལུགས་རྟོགས་པར་ཤོག །

སྣང་སྲིད་ཁྲོས་མའི་རོལ་པར་ལྟ་བའི་མཐུས། །

འཆི་མེད་འཇའ་ལུས་རྡོ་རྗེའི་སྐུ་བསྒྲུབས་ནས། །

ཁམས་གསུམ་འཁོར་བ་དོང་ནས་སྤྲུགས་པའི་མཐུས། །

མཐའ་ཡས་འགྲོ་ཀུན་ཁྲོས་མའི་ས་ཐོབ་ཤོག །

2026/10/29/

• 

• 

• 

• 

• 

•